मुंबई : आर. बी. के. एज्युकेशनल इन्स्टिट्यूटमध्ये सातवीत शिकणाऱ्या आदित्य श्रीवास्तव या विद्यार्थ्याला ‘नॅशनल अचिव्हर्स अॅवॉर्ड’ने सन्मानित करण्यात आले आहे. एक हजार रुपये, ‘मॅप माय स्टेप डॉट कॉम’चे प्रीपेड स्क्रॅच कार्ड, सीडी, सुवर्णपदक व प्रमाणपत्र असे या पुरस्काराचे स्वरूप आहे. त्याने नॅशनल लेव्हल युनिफाइड कौन्सिलच्या ‘एनएसटीएसई’च्या २०१७च्या परीक्षेमध्ये सातवा क्रमांक मिळवल्याबद्दल त्याला गौरवण्यात आले.
आर. बी. के. एज्युकेशनल इन्स्टिट्यूटच्या संचालिका रूपल कनकिया म्हणाल्या, ‘आम्ही आदित्यला मिळालेल्या यशामुळे अतिशय आनंदित आहोत. आदित्यने फक्त त्याच्या शाळेचे व पालकांचेच नाही, तर संपूर्ण महाराष्ट्राचे आणि देशाचेही नाव मोठे केले आहे.’
‘एनएसटीएसई’ ही अभ्यासक्रमावर आधारित स्पर्धात्मक परीक्षा आहे. ‘युनिफाइड कौन्सिल’कडून ही परीक्षा भारतात आणि इतर १६ देशांमध्ये एकाच वेळी घेतली जाते. लॉजिकल रीझनिंग आणि कम्प्युटरबद्दलचे विद्यार्थ्यांचे ज्ञान तपासण्यासाठी ही परीक्षा घेण्यात येते.